უძრავი ქონების სადეველოპერო პოტენციალის კვლევა და სწორად განვითარებული პროექტი
საქართველოში დაახლოებით 2000-მდე საპროექტო კომპანიაა, რომლებიც წელიწადში 10 000-მდე ახალ პროექტზე მუშაობენ. თუმცა, მიუხედავად დიდი პრაქტიკისა, პროექტის კონცეფციის შექმნის პროცესში უამრავი გამოწვევა იჩენს ხოლმე თავს. ერთ-ერთი ასეთი გამოწვევის მიზეზი არქიტექტურული, კონსტრუქციული და საინჟინრო კომუნიკაციების (MEP) დისციპლინების ცალ-ცალკე მუშაობაა, რომლის დროსაც პროექტის თანხვედრის კონტროლი რთულდება. ეს ყველაფერი კი, საბოლოო ჯამში, ზრდის როგორც რისკებს, ისე სამშენებლო ხარჯებს და პროექტი არარენტაბელური ხდება.
სწორედ იმისთვის, რომ მომხმარებელს ეს წინაღობები ნაკლებად შეხვედროდა, ჩვენ საპროექტო მომსახურეობები გავაერთიანეთ და დამკვეთს უფრო ეფექტური პროდუქტი შევთავაზეთ. შედეგად, პროექტის ყველა ეტაპი ერთ სივრცეში მოექცა, რაც, თავის მხრივ, აუმჯობესებს დისციპლინებს შორის კომუნიკაციას, ამარტივებს პროცესის კონტროლს და შედეგად საშუალებას გვაძლევს, სწრაფად მივიღოთ ეფექტური გადაწყვეტილებები.
მსგავსი სერვისის შექმნა, დამკვეთისთვის ნამდვილად კომფორტული აღმოჩნდა. სწორედ ამ პრაქტიკამ დაგვაფიქრა იმაზეც, რომ პროექტის კონცეფციის შექმნის ეტაპზე კიდევ ერთი მომიჯნავე დისციპლინა – უძრავი ქონების საკონსულტაციო მომსახურეობა დაგვემატებინა, რაც დეველოპერს საშუალებას მისცემს შეაფასოს პროექტის რენტაბელურობა, გაიგოს კომერციულად, რამდენად მოგებიანია ის და მოკლე დროში მიიღოს სწორი გადაწყვეტილება
ამ თემის მნიშვნელობიდან გამომდინარე, ჩვენ ვცდილობთ, აქტიურად ვისაუბროთ კომერციულად გამართლებულ განვითარების კონცეფციებზე და უკვე უძრავი ქონების საკონსულტაციო კომპანიასთან, Colliers-თან ერთად, ამ საკითხის გარშემო ვებინარიც ჩავატარეთ.
და მაინც, რა არის უძრავი ქონების საკონსულტაციო მომსახურება?
გამომდინარე იქიდან, რომ ყოველწლიურად უამრავი მრავალბინიანი საცხოვრებელი კომპლექსი შენდება, მისი დეველოპმენტის გამოცდილება უფრო მეტადაა დამკვიდრებული, ვიდრე – კომერციული შენობების. შესაბამისად, სავაჭრო ცენტრების, ოფისების, სასტუმროებისა და სხვა მრავალფუნქციური შენობების პროექტირებისას მნიშვნელოვანია იმ ასპექტების გათვალისწინება, რომლებიც პროექტს მაქსიმალურად მომგებიანს და რენტაბელურს გახდის.
კონკრეტული კვლევებისა და დასაბუთებული გათვლების გარეშე რთულია, განისაზღვროს:
შენობის ლოკაციის ეფექტურობა;
რა ზომისა და ტევადობის უნდა იყოს პროექტი და როგორი იერსახე უნდა ჰქონდეს მას;
შენობის შიდა ფუნქციური ზონების გადანაწილება, ანუ კონკრეტული სივრცეები რა ზომისა და ფუნქციების უნდა იყოს;
როგორი გეგმარება უნდა ქონდეს შენობას;
რა სეგმენტისთვის (მომხმარებლისთვის/ვიზიტორისთვის) უნდა აშენდეს ობიექტი;
რა ოდენობის ეფექტური ხარჯი უნდა გასწიოს დეველოპერმა იმისთვის, რომ მაქსიმალური მოგება მიიღოს;
ამ ტიპის ანალიზის შედეგად, წინასწარ განისაზღვრება მშენებლობის ხარჯი, რომელიც არქიტექტურულ გადაწყვეტებზე მნიშვნელოვან გავლენას ახდენს. ასევე, იქმნება ზუსტად ისეთი გეგმარება, რომელიც მაქსიმალურად გამართლებული და ეფექტური იქნება.
საბოლოო ჯამში, საპროექტო ჯგუფისთვის დგება სრულყოფილი ტექნიკური დავალება, ხოლო დეველოპერისთვის – პროექტის კონცეფცია და გააზრებული ბიზნეს გეგმა, რაც პროექტის განხორციელებისას დასაშვები აცდენების როდენობას მინიმუმამდე ამცირებს. გარდა ამისა დეველოპერებს ამ ტიპის კვლევა ხშირად სხვადასხვა ფინანსური ინსტიტუტისგან დაფინანსების მისაღებადაც სჭირდებათ ხოლმე.
შედეგად ჩვენ ვიზრუნებთ, შევქმნათ პროექტი, რომელიც არამხოლოდ არქიტექტურული კუთხით, არამედ კომერციულადაც მაქსიმალურად გამართლებული იქნება.
