„BIM Cloud Architecture“ ბოლო წლებში შეიქმნა და საშუალებას აძლევს პროექტში ჩართული ყველა ძირითადი სპეციალისტს: არქიტექტორებს, ინტერიერის დიზაინერებს, სტრუქტურულ ინჟინრებს, ელექტრო, წყალგაყვანილობისა და სავენტილაციო სისტემების ინჟინრებს, შენობის ერთ, საერთო მოდელზე პარალელურ რეჟიმში იმუშაონ. რაც, თავის მხრივ აუმჯობესებს:

• ნახაზების სტანდარტიზაციას;
• ინფორმაციის სწრაფ გაცვლას;
• შეცდომების მინიმუმამდე შემცირებას;
• პროექტის ყველა ფაზის დროულ შესრულებას;
• პროექტის საკვანძო საკითხების განხილვის პროცედურებს;

თანამედროვე არქიტექტურული კომპანიების შედეგიანობა ტექნოლოგიების ეფექტური გამოყენებით არის განპირობებული. ახლა იმაზე მეტია ასაშენებელი ვიდრე წარსულში ვაშენებდით, შესაბამისად პროექტირების ვადები გამოწვევად იქცა. ამ პროცესში დაწინაურებულია კომპანია, რომლის სტრატეგიულ ამოცანასაც ეფექტიანობის ზრდა წარმოადგენს. რაც თავის მხრივ დამკვეთის ფინანსურს სარგებელში კონვერტირდება.

აღსანიშნავია ის ფაქტი, რომ კომპანიები რომლებიც ამ სისტემებს იყენებენ, სწრაფი გადაწყვეტილებების წყალობით პანდემიის პირობებშიც ჩვეულ რეჟიმში აგრძელებენ მუშაობას.

საერთაშორისო გამოცდილებისა და მიდგომების გათვალისწინებით teamtwo-მ დანერგა ახალი სტანდარტი. Revit BIM ტექნოლოგიის გამოყენებითა და ყველა საჭირო სპეციალისტის ერთ სივრცეში გაერთიანებით, პროექტის შესრულების სისწრაფე საქართველოში დანერგილ სტანდარტებთან შედარებით ორჯერ იზრდება. ასევე მინიმალურამდეა დაყვანილი ყოველგვარი უზუსტობა, რაც შემდგომში შეიძლება მშენებლობის ხარისხზე პირდაპირ აისახოს.

ტექნოლოგიების ეფექტური გამოყენებისა და ახალი სტანდარტით განხორციელებული მაგალითისთვის გთხოვთ იხილოთ ჩვენი პროექტები. ჩვენი გუნდი მზად არის შემოგთვაზოთ თქვენს პროექტზე ორინეტირებული გადაწყვეტილებები და გაგიზიაროთ საერთაშორისო პროექტებზე მუშაობის გამოცდილება. კითხვების შემთხვევაში გთხოვთ დაგვიკავშირდეთ.