როგორი იყო პროექტირების და ფიქრის პროცესი ლისის კომერციულ შენობაზე მუშაობისას?
საპროექტო არეალი ლისის ტბის მიმდებარე ტერიტორიაზე მდებარეობს. იგი, ერთი მხრივ, ნუცუბიძის დასახლებას ეკვრის, მეორე მხრივ, ახლოს არის ლისის ტბასთან და აქ არსებულ სარეკრეაციო სივრცესთან. გუნდის დავალება კომერციული შენობის დაპროექტება იყო, რომელიც მოემსახურებოდა როგორც არსებულ, ასევე მომავალში გაშენებულ უბანს. დავალების მიხედვით, შენობაში უნდა ყოფილიყო ოფისები, კომერციული ფართები, კვების ობიექტები, ინდივიდუალური სასაწყობე სივრცეები, სატრენაჟორო დარბაზი და აუზი.
არქიტექტურულ კონცეფციასთან ერთად, ჩვენმა სტრუქტურულმა ინჟინრებმა კონსტრუქციულ პროექტზეც იმუშავეს. დამკვეთის მხრიდან პროექტში ჩართულ საინჟინრო კომუნიკაციების ჯგუფთან ერთად, შენობის ელექტრობის, წყალმომარაგების და ვენტილაციის პროექტი მომზადდა. სულ მალე პროექტი მშვენებლობის ნებართვას მოიპოვებს და სამშენებლო სამუშაოები დაიწყება.
რაც შეეხება არქიტექტურულ კონცეფციას, გადავწყვიტეთ, გვემუშავა ისეთ კონცეფციაზე, რომელიც დამკვეთს მოთხოვნილ დავალებას სხვა კუთხით დაანახებდა. გაითვალისწინებდა მდებარეობასა და კონტექსტს, შესთვაზებდა მას თანამედროვე არქიტექტურის პრინციპებზე დაყრდნობილ იდეასა და მასალას. თუმცა, ამავე დროს, დაიცავდა ადამიანურ მასშტაბს და არ შექმნიდა მოსაწყენ ფორმას.