როგორც წესი ნაგებობაში, კონსტრუქციების ფიზიკური წილი უფრო მეტია, ვიდრე – არქიტექტურული ელემენტების. სხვა სიტყვებით რომ ვთქვათ, არქიტექტურა კონსტრუქციული გადაწყვეტილებების გარეშე, ფიზიკურად ვერ იარსებებს. კონსტრუქტორების, იგივე სტრუქტურული ინჟინრების როლია, უსაფრთხოების ნორმებისა და გარემო პირობების გათვალისწინებით, უზრუნველყონ შენობის სიმყარე და მედეგობა.
არქიტექტორებისა და სტრუქტურული ინჟინერების კოლაბორაცია, პროექტირების საწყის ეტაპზევე, მსოფლიოში მიღებული პრაქტიკაა. როდესაც ამ ორი პროფესიის ადამიანი, ერთობლივად მუშაობს შენობის ვიზუალურ და სტრუქტურულ მხარეებზე. ამ გზით, არქიტექტორები და კონსტრუქტორები გადაწყვეტილებებს შეთანხმებულად იღებენ, რაც ეფექტურად ანვითარებს პროექტის შესაძლო ნარატივს, ასევე საგრძნობლად ამცირებს პროექტის ვადებსა და გაუთვალისწინებელ ხარჯებს.
სწორი კოლაბორაცია, გულისხმობს შემდეგის გააზრებას, რომ ორივე სფეროს წარმომადგენელი, თანაბრად მნიშვნელოვან როლს ასრულებს პროექტის სწორი გზით განვითარებაში.
