თვითმომსახურებადი სათავსო (ინგ. Self-Storage) დაცულ ტერიტორიაზე მოწყობილი შემნახველი სივრცეა, სადაც გარკვეული დროით, გარკვეული თანხის სანაცვლოდ შეძლებთ პირადი ნივთების განთავსებას. ამ გზით სახლსა თუ ოფისში ადგილის დაზოგვა, მსოფლიოს მრავალ ქვეყანაში მიღებული პრაქტიკაა.

“Self-Service Storage” შენახვის პირობები მაქსიმალურად მორგებულია დამქირავებელზე. მაგალითად, მომხმარებელს 24 საათიანი წვდომა აქვს სათავსოსთან, როგორც ფეხით ასევე ავტომანქანით. დსამატებით, შესაძლებელია შემნახველი სივრცის ტემპერატურის რეგულირება, რაც ნივთების გადახურებას ან გაყინვას აგაცილებთ თავიდან.

როდის შეიძლება დაგჭირდეთ თვითმომსახურებადი სათავსო?

1. რემონტის დროს, როდესაც გსურთ ნივთების სუფთად შენახვა.
2. იმ შემთხვევაში, თუ უძრავი ქონება გაყიდეთ და ჯერ არ იცით ძველი ავეჯი სად წაიღოთ, ან პირიქით.
3. თუ, გაქვთ პატარა ოფისი და ყოველდღიურად გამოუყენებადი ნივთები დიდ ადგილს იკავებენ.
4. თუ, სახლში არ გსურთ გამოუსადეგარი ნივთების შენახვა, მაგრამ გადაგდებაც გენანებათ.
5. იმ შემთხვევაში, როდესაც დროებით იცვლით ადგილს და არ გსურთ ყველა ნივთის თან წაღება.

Self-Storage საქართველოში

შეიძლება გაჩნდეს კითხვა, თუ რაში გვჭირდება მსგავსი ტიპის მომსახურეობა საქართველოში, როდესაც საცხოვრებელი სახლის მიმდებარედ გვაქვს ავტოფარეხი. პასუხების ჩამონათვალი მარტივია:

1. ყველა საცხოვრებელ კორპუს არ გააჩნია გამოყოფილი ადგილი ავტოფარეხისთვის ან პირადი სათავსოსთვის.
2. ავტოფარეხში მოთავსებული ნივთები არ არის დაცული, განსხვავებით მინი სათავსოსგან, სადაც 24 საათიანი დაცვის სისტემა მოქმედებს.
3. ავტოფარეხში ტემპერატურის ცვალებადობამ შეიძლება დააზიანოს თქვენი ნივთები.
4. ე.წ „გარეჟების“ ადგილას შესაძლებელი გახდება სარეკრიაციო/საჯარო ზონის შექმნა.

ამერიკაში „Self-Storage” კონცეფცია 1981 წელს გაჩნდა და დღემდე არ კარგას აქტუალურობას. რაც შეეხება ევროპის ქვეყნებს, „European Self Storage Associations“-ის მიერ 2020 წელს ჩატარებული კვლევის თანახმად, ევროპის ტერიტორიაზე 4,831 სათავსოების სივრცეა აღრიცხული. აღსანიშნავია ქართველი დეველოპერების სურვილი, რომ საქართველოშიც გაჩნდეს მსგავსი ტიპის მომსახურეობა და ეზოებში არსებული „გარაჟები“ ჩაანაცვლოს სარეკრიაციო და საჯარო გამოყენების სივრცეებმა.

ჩვენი გუნდი მზად არის საერთაშორისო, თანამედროვე სტანდარტების და რეგულაციების გათვალისწინებით დაგეხმაროთ კომერციული, Self Storage პროექტის შექმნაში.

ირაკლი გოგოხია
ბიზნესის განვითარების მენეჯერი