სამზარეულო და საკვები სივრცე სასტუმროების ერთ-ერთი ყველაზე მნიშვნელოვანი ნაწილია. სწორედ ამიტომ, სასტუმროს პროექტირებისას დიდი ყურადღება ექცევა იმას, თუ როგორ მოეწყობა სამზარეულო და რა იქნება კვების კონცეფცია.
ზოგადად, სასტუმროს კვების კონცეფციაზე რამდენიმე მნიშვნელოვანი ფაქტორი ახდენს გავლენას, ესენია:
- შენობის ზომა;
- ფუნქციურად დატვირთული სივრცეების რაოდენობა;
- შენობის ლოკაცია და მისი მდებარეობა;
- რეგიონალური და კულტურული გავლენა;
- ვიზიტორების მიერ სივრცის ათვისების/გამოყენების პოტენციალი;
დამეთანხებით, რომ კვების კონცეფცია ვერ იქნება სრულყოფილი გამართული სამზარეულოს გარეშე. მომსახურე პერსონალის ეფექტური მუშაობისთვის სამზარეულო სპეციალურ დიზაინსა და აღჭურვილობას მოითხოვს. პროექტირებისას უნდა გავითვალისწინოთ, რომ სამზარეულო უნდა აერთიანებდეს 5 მნიშვნელოვან სივრცეს:
- საწყობს – სივრცეს, სადაც პროდუქტის მარაგია განთავსებული.
- სამრეცხაოს – ადგილს, სადაც პროდუქტი და ინვენტარი ირეცხება.
- პროდუქტების გასამზადებელ სივრცეს – სადაც პროდუქტის გამზადება ხდება, შემდგომ კერძის მოსამზადებლად.
- საკვების მოსამზადებელი სივრცე– ადგილი, სადაც კერძები მზადდება.
- მომსახურების ზონა- სივრცე, საიდანაც კერძი რესტორანში გააქვთ.
