დღეს ვისაუბრებთ სასტუმროს „ჭკვიან” ნომრებზე, იგივე „სასტუმროს ნომრის მართვის სისტემაზე“ (GRMS – Guestroom Management System). ამ ინოვაციური მიდგომით, სასტუმროს ნომერში, ერთის მხრივ, დამსვენებლისათვის სრული კომფორტის შექმნაა შესაძლებელი. ხოლო, მეორეს მხრივ, სასტუმროს დანახარჯების ოპტიმიზაციაა შესაძლებელი. სისტემის მეშვეობით, ოთახის განათების და ტემპერატურის, აუდიო სისტემის, ფარდების/ჟალუზების და ყველა იმ ელექტრო მოწყობილობის მართვაა შესაძლებელი, რომელიც დამსვენებელს სასურველ გარემოს უქმნის.
“GRMS” სისტემა – როგორ მცირდება სასტუმროს ხარჯი და იზრდება დამსვენებლის კომფორტი?
GRMS სისტემის დადებითი მხარეები:
1. ენერგოეფექტურობა – სასტუმროებში, ელექტროენერგიის ხარჯი ყოველთვის ყველაზე დიდია. იგი არამხოლოდ ბიუჯეტური, არამედ ეკოლოგიური თვალსაზრისითაც მავნებელია. კომუნალური ხარჯის და გარემოს ზიანის შემცირებისათვის, GRMS სისტემები ენერგიის მართვის ერთ-ერთი საუკეთესო გზაა. ის საშუალებას მოგცემთ, აკონტროლოთ ნომერში ელ. ენერგიის მოხმარების მაჩვენებლები. კვლევების თანახმად, ამგვარი მიდგომით, შესაძლებელია სასტუმროების წლიური დანახარჯის, 30-დან 40%-მდე შემცირება.
2. მარტივად სამართავი სისტემა – მოწყობილობა განთავსებულია დამსვენებლისთვის ადვილად ხელმისაწვდომ წერტილებში. მაგალითად, მთავარი კარის ან საწოლის გვერდზე. საერთო პანელის საშუალებით, შესაძლებელია ოთახის სხვადასხვა ფუნქციის მართვა.
3. სმარტ მოწყობილობით მართვა – ბევრი GRMS სისტემის მართვა, მობილური აპლიკათიითაც შესაძლებელია. სასტუმროს დამსვენებელს, შეუძლია ოთახში შესვლამდე, საკუთარი სმარტფონით დაარეგულიროს სასურველი ტემპერატურა და მოიწყოს სასურველი ინტენსივობის განათება.
4. სისტემის უნივერსალურობა – GRMS სისტემის დაყენება შესაძლებელია, როგორც ახალ, ასევე უკვე არსებულ შენობებშიც. ახალი მექანიზმის დამონტაჟება, შესაძლებელია ფიზიკური გაყვანილობის გარეშეც, ვინაიდან თანამედროვე ვერსიები ფიზიკური ქსელის გარეშე, ანუ Wireless რეჟიმშიც მუშაობს.
GRMS სისტემის უარყოფითი მხარეები:
1. პირველადი გადასახადი – გამართული და ხარისხიანი GRMS სისტემის დაყენება, თავდაპირველ დიდ თანხასთანაა დაკავშირებული, თუმცა სამომავლო ხარჯების შესამცირებლად, მსგავსი ინვესტიცია ბევრი დეველოპერისთვის მომგებიანია.
2. სასტუმროს პერსონალის გადამზადება – აუცილებელია, მომსახურე პერსონალისთვის სისტემის ფუნქციებისა და დეტალების გაცნობა იმისათვის, რომ მონტაჟის შემდგომი ექსპლუატაცია იყოს გამართული და სისტემამ შეუფერხებლად იფუნქციონიროს.
3. სპეციალისტების ნაკლებობა ქართულ ბაზარზე – ქართულ ბაზარზე, ნაკლებად პოპულარული GRMS სისტემის მოსავლელად, ზოგ შემთხვევაში, შესაძლოა დამატებით დაგჭირდებათ მომწოდებლის მიერ ავტორიზებული სპეციალისტის დახმარება.
„GRMS“ სისტემით აღჭურვილი სასტუმროს ნომრები ხშირია აშშ-ში და ევროპის სხვადასხვა ქალაქებში.
სასტუმროს ნომრის ამგვარი მართვის სისტემები, all-in-one სერვისს სთავაზობს მომხმარებელს და ამარტივებს სასტუმროს მართვას სტაფისთვის, ხოლო ნომრის მართვას – დამსვენებლისათვის.
ჩვენი გუნდი, ყოველთვის ითვალისწინებს პროექტის განხორციელების შემდგომ ფაზას და პროექტირების საწყის ეტაპზევე სთავაზობს დამკვეთს, საუკეთესო ტექნოლოგიურ გადაწყვეტილებებს.
ირაკლი გოგოხია
ბიზნესის განვითარების მენეჯერი
