კორონავირუსით გამოწვეულმა პანდემიამ, კიდევ ერთხელ გაგვააზრებინა თუ, რამდენად მნიშვნელოვანია ისეთი სივრცეების არსებობა, სადაც დაბალანსებულია უსაფრთხოება და კომფორტი.
დღეს ვისაუბრებთ თანამედროვე გეგმარების მაგალითებზე, სადაც ვირუსის გავრცელების გზები მინიმუმამდეა შემცირებული.
საზოგადოებრივი სივრცე პანდემიის პირობებში – პარკი
თეთრი საღებავით, ბალახზე მოხაზული 30 წრე და დომინოს პარკში (ნიუ-იორკი, ბრუკლინი) მოწყობილი საზოგადოებრივი სივრცე, რომელიც ხელს უწყობს სოციალური დისტანციის დაცვას. პარკის ადმინისტრაციამ, წრეების კონცეფცია მას შემდეგ შეიმუშავა, რაც მსოფლიოში კორონა ვირუსი გავრცელდა. ბალახზე, ერთმანეთის მიმართ სიმეტრიულად, 2 მეტრის დაშორებით განლაგებული წრეები, უზრუნველყოფენ, რომ ადამიანები ღია სივრცეში, ერთმანეთისგან დაშორებით იმყოფებოდნენ. თითოეული წრის დიამეტრი შეადგენს 2.5 მეტრს, რაც სრულიად საკმარისია, ადამიანების ჯგუფის კომფორტული განთავსებისათვის.
ნახევრად საზოგადოებრივი სივრცე პანდემიის პირობებში – სასტუმრო
სასტუმროში, 24 საათის განმავლობაში, მუდმივად გადაადგილდებიან ადამიანების სხვადასხვა ჯგუფები. მნიშვნელოვანია, კოვიდ რეგულაციების მიხედვით სტუმრებისთვის უსაფრთხო სივრცის მოწყობა. აქედან გამომდინარე, სასტუმროს ადმინისტრაციას, შესაძლოა მოუწიოს სხვადასხვა ცვლილებების განხორციელება:
დახურული სივრცე პანდემიის პირობებში – ოფისი
იმისათვის, რომ ოფისში მუშაობა ისევ უსაფრთხო და კომფორტული გახდეს, ამერიკულმა კომპანიამ (Cushman&Wakefield) შეიმუშავა კონცეფცია, რომელსაც ჰქვია “6 Feet Office” – ანუ, საოფისე სივრცეში, 1.80 მეტრის დისტანციით დაშორებული თანამშრომლები. კონცეფციის მთავარი მიზანია, რომ ოფისის შიდა გეგმარება და ინტერიერის დიზაინის გარკვეული დეტალები გადაეწყოს რეგულაციების წესების მიხედვით, ისე რომ არ დაირღვეს თანამშრომლების ყოველდღიური გარემო და მუშაობის რეჟიმი.
არქიტექტურა და დიზაინი, გარემო პირობებთან შასაბამისობაში, პირველ რიგში, ადამიანის უსაფრთხოებასა და კომფორტზე უნდა იყოს მორგებული. ჩვენი გუნდი სწორედ ამ მიდგომების გათვალისწინებით გთავაზობთ პროექტირების თანამედროვე გადაწყვეტილებებს, რაც დაგეხმარებათ პროექტის სრულყოფილად განხორციელებაში.
