რა უნდა ვიცოდე სანამ სახლს ავაშენებ?

თუ მიწის ნაკვეთს ფლობთ და სახლის აშენება გადაწვიტეთ პირველ რიგში საჭიროა გქონდეთ ისეთი მშენებლობის უფლება, რომელიც აკმაყოფილებს ასაშენებელი შენობის პარამეტრებს.

რისი უფლება მაქვს ჩემს მიწის ნაკვეთზე?

თბილისს და სხვა მსხვილი დასახლებებს გააჩნია „გენერალური გეგმის“ დოკუმენტი, რომელიც ადგენს მიწის ნაკვეთის ფუნქციურ ზონას და მისი გამოყენების პირობებს. კერძოდ:

1. ფუნქციურად რისი აშენების უფლება აქვს მესაკუთრეს.
2. რამხელა შენობის აშენების უფლება აქვს მესაკუთრეს.

ქვემოთ მოყვანილ ცხრილში მოცემულია თბილისის საცხოვრებელ ზონებში, მიწის ნაკვეთის მინიმალური დასაშვები ფართობები და მათზე განსათავსებელი შენობის მაქსიმალურ ფართობები.

ანუ, თბილისის მასშტაბით, საცხოვრებელ ზონა ერთში (სზ-1) მიწის ნაკვეთის მინიმალური დასაშვები ზომა 600 კვადრატია, ხოლო ამ ნაკვეთზე განთავსებული შენობის მაქსიმალური ზომა  შეიძლება 480 კვადრატული იყოს.

მეორე ცხრილში მოცემულია მაგალითისთვის აღებული მიწის ნაკვეთები და მათზე განსათავსებელი შენობების მაქსიმალური ფართობი.

შემდეგი ნაბიჯია ტერიტორიის პროექტირება

შენობის მოცულობის განსაზღვრის შემდეგ, ტერიტორიის სწორად დასაგეგმარებლად გასათვალისწინებელია შემდეგი კომპონენტები:

• მიწის ნაკვეთის რელიეფი.
• არსებული და საპროექტო კომუნიკაციები (წყალი, ელექტროობა, გაზი და ა.შ).
• სამანქანო მისასვლელი გზის მდებარეობა.
• ხედები და შენობის ორიენტაცია.

ტოპოგრაფიული რუკა, როგორც პროექტირების პირველადი მნიშნველობის კომპონენტი, გვიჩვენებს რელიეფის ზუსტ ნიშნულებს და არსებული კომუნიკაციების მდებარეობას. ამ ინფორმაციის გათვალისწინებით შენობა ისე უნდა დაიგეგმოს რომ თავიდან ავიცილოთ საძირკვლისა და კომუნიკაციების გადაკვეთა.

მშენებლობის ნებართვა

გეგმარების შემდგომი ეტაპია მშენებლობის ნებართვის მიღება, რომელიც მოიცავს ორ ძირითად დოკუმენტს:

1. მიწის ნაკვეთის სამშენებლოდ გამოყენების პირობები – დოკუმენტი რომლითაც მერია ადასტურებს მიწის ნაკვეთზე ასაშენებელი შენობის ფუნქციას და პარამეტრებს.
2. დეტალური პროექტი – შენობის დეტალური პროექტის შეთანხმების შემდეგ მერია გასცემს მშენებლობის ნებართვას.

ერთი შეხედვით პროცესი ზუსტი ნაბიჯებისგან შედგება, თუმცა არაკომპეტენტური მიდგომით შესაძლოა რიგი გართულებების გამოწვევა. იმისათვის რომ პროექტის შეთანხმების და შემდეგ უკვე მშენებლობის პროცესი გამართულად წარიმართოს აუცილებელია სწორად შეარჩიოთ საპროექტო ჯგუფი.

თუ გაქვთ მიწის ნაკვეთი და გაინტერესებთ რამხელა სახლის აშენების უფლება გაქვთ, ჩვენი საპროექტო ჯგუფი მზად არის მოგიმზადოთ პროექტი მშენებლობის ნებართვის მისაღებად.