ჩვენი ყოველკვირეული სტატიების ფორმატში, ვაგრძელებთ სამნაწილიან სერიას – „პროექტი მერიაში“, ანუ – რა ეტაპებს გავლაა საჭირო, მშენებლობის ნებართვის მისაღებად. წინა ორ სტატიაში განვიხილეთ, თუ როგორ ხდება ე.წ. გაპ-ის მიღება და არქიტექტურული პროექტის შეთანხმება. დღეს, ვისაუბრებთ მესამე, დასკვნით ეტაპზე, რომელიც მოიცავს მშენებლობის ნებართვის მიღებას.
პროექტი მერიაში – მშენებლობის ნებართვა (ნაწილი III)
იმისათვის, რომ მესამე ეტაპი გაიაროთ და აიღოთ მშნებლობის ნებართვა, საჭიროა იხელმძღვანელოთ გარკვეული ვალდებულებების მიხედვით. უნდა შესრულდეს მშენებლობის ორგანიზების პროექტი, რომელიც მოიცავს:
- განმარტებით ბარათს – ამ პუნქტში სხვა ინფორმაციასთან ერთად, აღწერილი უნდა იყოს უსაფრთხოების უზრუნველყოფის მეთოდები და ღონისძიებები.
- სამშენებლო მოედნის გეგმას – ეს დოკუმენტი უნდა შეიცავდეს, საპროექტო ნაკვეთის საკადასტრო ინფრომაციასთან ერთად, მასზე გამართულ სამშენებლო საქმიანობებს, დროებითი ობიექტების თუ მასალების განთავსების გეგმებს.
- მშენებლობის კალენდარულ გეგმას – კონკრეტულად უნდა იყოს გადმოცემული მშენებლობის განმავლობაში შესასრულებელი სამუშაოების გრაფიკი. ასევე, პროცესის დაწყების და დასრულების თარიღები.
მშენებლობის ნებართვის მიღებისთანავე, დოკუმენტაციის წარმდგენ პიროვნებას ეძლევა უფლება, წამოიწყოს შეთანხმებული პროექტის შესაბამისი სამუშაოები. აუცილებელია, რომ მან იხელმძღვანელოს, სწორედ მერიის მიერ განსაზღვრული დეტალების მიხედვით და არ აცდეს იმ მონაცემებს, რომლებიც მუნიციპალიტეტის მიერაა დამოწმებული.
მშენებლობის დაწყების წინ, აუცილებელია, რომ საპროექტო ნაკვეთის მიჯნაზე განთავსდეს საინფორმაცია დაფა (ე.წ – ბანერი). მასზე უნდა ეწეროს: შენობა-ნაგებობის მისამართი და ფუნქცია, დამკვეთის ვინაობა, საკონტაქტო ინფორმაცია და მშენებლობის ნებართვის გამცემი ორგანო.
გასათვალისიწნებელია ის ფაქტიც, რომ ნაგებობის კლასობრივი მიკუთვნებიდან გამომდინარე, მშენებლობის ეტაპების ჩაბარება სხვადასხვა რაოდენობითაა განსაზღვრული:
თითოეული ეტაპის დასრულებამდე 10 დღით ადრე, მესაკუთრე ვალდებულია შეატყობინოს საჯარო ზედამხედველობის ორგანოს – მშენებლობის ეტაპის დასრულების შესახებ. ამის შემდეგ, ტერიტორიაზე ხდება სამუშაოების დათვალიერება, და შეთანხმებულ პროექტთან მიმართებაში შესბამისობის გადამოწმება.
იმ შემთხვევაში, თუ მშენებლობის ეტაპის ჩაბარების პროცესში, არ იქნება დაკმაყოფილებული შესაბამისი ნორმები და მითითებები, წამრმოქმნილი საკითხების მოწესრიგება ხდება კოდექსის შესაბამისად.
მხედველობაში უნდა იქონიოთ ის გარემოებაც, რომ ნაკვეთზე უკანონო ქმედებების წარმოების შემთხვევაში, შესაძლოა დაჯარიმდეთ. თვალსაჩინოებისათვის, წარმოგიდგენთ რამოდენიმე მაგალითს:
სწორად ორგანიზებული პროექტირების პროცესი, ყველა საჭირო დისციპლინის საწყის ეტაპზე ჩართვა და მათ შორის, გამართული კოორდინაცია, ერთ-ერთი გადამწყვეტი ფაქტორია მშენებლობის ნებართვის დროულად მისაღებად. გაუმართავი პროექტი, ყოველთვის ახანგრძლივებს შეთანხმების პროცესს და ხშირად მერიასთან კომუნიკაცია, დაუსრულებელ თავის ტკივილად იქცევა ხოლმე.
teamtwo – არის არქიტექტორების, ინჟინრების და კონსტრუქტორების ჯგუფი, რომელიც პროექტირების პირველივე ეტაპზე შეთანხმებულად იწყებს მუშაობას და უზრუნველყოფს თითოეული საფეხურის უხარვეზოდ გავლას.
ირაკლი გოგოხია
ბიზნესის განვითარების მენეჯერი
