მოცულობიდან გამომდინარე, თუ პროექტში თავიდანვე არ არის მისი ადგილმდებარეობა განსაზღვრული, შემდგომ „ჩამატება“, აუცილებლად დიდი თავის ტკივილის და რადიკალური ცვლილებების გამომწვევი გახდება.

ლიფტი

შშმ პირებისათვის ლიფტი ერთ-ერთი ყველაზე კომფორტული გადაადგილების საშუალებაა, შესაბამისად მნიშვნელოვანია მისი სტანდარტების მიხედვით აღჭურვა.

• შეზღუდული მხედველობის მქონე პირთათვის, ხილული და ხმოვანი სიგნალი უზრუნველყოფილი უნდა იყოს თითოეული ლიფტის შახტის შესასვლელთან, რათა აჩვენოს, რომელი კაბინა პასუხობს გამოძახებას და მოძრაობის სასურველ მიმართულებას.
• გასათვაისწინებელია, ლიფტის გამოსაძახებელი ღილაკების განთავსების სიმაღლე და კაბინაში იატაკის მოსაპირკეთებელი მასალაც.
• ხილული სიგნალის გამომცემი მოწყობილობები უნდა განთავსდეს იატაკიდან არაუმცირეს 1800 მმ-ით მაღლა.

ზოგადი პარამეტრები

მისაწვდომობის ეროვნული სტანდარტი განსაზღვრავს შენობის გეგმარების ზოგად პარამეტრებს, რომლებიც არეგულირებენ შშმ პირის გადაადგილებას. შესაბამისად პროექტირებისას გასათვალისწინებელია ისეთი საკითხები, როგორებიცაა:

• დერეფანში, ან/და ნებისმიერ სხვა სივრცეში, ეტლისთვის მოსატრიალებელი ადგილი, რომელსაც გეგმარებისას უნდა დაეთმოს დაახლოებით 1.70 მეტრი დიამეტრის წრე.
• კართან მისადგომი სივრცე – უნდა იყოს არაუმცირეს 820 მმ სიგანის.
• ფიქსირებული ნივთების (ხელსაბანი, სასაპნე, საშრობი და ა.შ) სიმაღლე და სიგანე.

მისაწვდომობის გეგმა

გასათვალისწინებელია ის ფაქტი, რომ გეგმა, რომელზეც ასახული იქნება მისაწვდომობის სტანდარტებთან შესაბამისობა, ცალკე მზადდება. ნახაზზე ნაჩვენები უნდა იყოს, იმ პარამეტრებით გათვალსიწინებული სივრცეები, რომლებიც წინა აბზაცებში განვიხილეთ. მასშტაბური თუ მცირე ზომის ფართისთვისაც, აუცილებელია, რომ დატანილი იყოს ავეჯის ზუსტი განლაგება, საიდანაც განისაზრვრება, თუ რამდენად მორგებულია სივრცე შშმ პირზე.

თუ პროექტში, თავიდანვე არ არის გათვალისწინებული მისაწვდომობის სტანდარტები, პროექტის შშმ პირებზე დაგვიანებით ადაპტირებამ, შესაძლოა არქიტექტრული იდეაც კი შეცვალოს. იმისათვის, რომ თავიდან ავიცილოთ პროექტის გადავადებული თარიღები და გაზრდილი ბიუჯეტი საჭიროა, რომ საპროექტო გუნდმა, პროექტირების საწყის ეტაპზევე შეძლოს ყველა საჭირო სტანდარტის გათვალისწინება და დაცვა.

ჩვენი გუნდი ორიენტირებულია, ისეთი პროექტების შესრულებაზე, რომლებიც განკუთვნილი იქნება ყველა შესაძლებლობის ადამიანზე. ამისათვის, მუშაობის პირველივე საფეხურიდან, ვითვალისწინებთ მისაწვდომობის ეროვნულ სტანდარტებს და გეგმარებას/დიზაინს მაქსიმალურად ვარგებთ, როგორც დამკვეთის სურვილებს, ასევე წესდების მოთხოვნებს.

ირაკლი გოგოხია
ბიზნესის განვითარების მენეჯერი