ჭკვიანი სახლი არის ავტომატიზირებული სისტემით აღჭურვილი საცხოვრებელი სივრცე, რომელიც შეგიძლიათ მართოთ დისტანციურად, ინტერნეტთან დაკავშირებული ნებისმიერი მოწყობილობით.

უსაფრთხოება და კომფორტი

დამეთანხმებით უსაფრთხოება და კომფორტი ყოველდღიური ცხოვრების ყველაზე მნიშვნელოვანი ასპექტებია. ჭკვიანი სახლის იდეაც სწორედ ამ ორი ძირითადი საკითხით არის განპირობებული:

უსაფრთხოება

• კარის დისტანციური მართვა – ჭკვიანი საკეტით აღჭურვილი კარი არასოდეს დაგრჩებათ ღია. შეძლებთ შექმნათ კარის გაღების ერთჯერად კოდი მაგალითად დამლაგებლისთვის, რომელიც თქვენს მიერ მითითებული დროის შემდეგ, კოდს ვეღარ გამოიყენებს.
• კომუნიკაციების დისტანდიურად მართვა – წარმოიდგინეთ, რომ მიდიხართ დასასვენებლად და აღარ გჭირდებათ დაკარგოთ დრო იმის შესამოწმებლად გამორთეთ თუ არა გაზი, შუქი, წყალი, უთო – ამ ყველაფრის შემოწმებას და გამორთვას დისტანციურად შეძლებთ.

კომფორტი

• ტემპერატურის მართვა – მაგალითად თუ მიდიხართ აგარაკზე წინასწარ შეგიძლიათ ჩართოთ გათბობა ან სამსახურიდან დაბრუნებულს დაგხვდეთ გაგრილებული სახლი. ჭკვიანი თერმოსტატის საშუალებით დისტანციურად აკონტროლებთ სახლის ტემპერატურას.
• საყოფაცხოვრებო ტექნიკა – თქვენს ყოველდღიულ რუტინაზე მორგებული ალგორითმით ავტომატურად გადაიწევა ფარდები, დარეკავს მაღვიძრა და სამზარეულოში შესულს ცხელი ყავა დაგხვდებათ მზად.
• აუდიო სისტემა – ჭკვიანი სახლი ყოველდღიურობასაც უფრო კომფორტულს ხდის – წარმოიდგინეთ დილა იწყება თქვენი საყვარელი სიმღერით, რომელსაც აუდიოსისტემა განსაზღვრულ დროს ჩართავს.

მოქმედების სცენარები

ჭკვიანი სახლის ერთ-ერთი პლიუსი დროის დაზოგვაა – თქვენ შეგიძლიათ შექმნათ სხვადასხვა სცენარი სხვადასხვა სიტუაციისთვის, მაგალითად ყოველდღიურად სახლიდან გასვლისას კონკრეტული სცენარის არჩევით გამორთოთ შუქები და ჩაკეტოთ კარი, თაიმერით ჩართოთ გათბობა/გაგრილების სისტემები. ხოლო სახლიდან დიდი ხნით, მაგალითად შვებულებაში წასვლის შემთხვევაში ასევე ერთი მოქმედებით გამორთოთ ელექტროობა, გადაკეტოთ გაზი და წყალი, გამორთოთ მაცივარი და მსგავსი საყოფაცხოვრებო ტექნიკა.

აღსანიშნავია რომ მცირე მოდიფიკაციების საშუალებით ჭკვიანი სიტემების მოწყობა იმ სახლშიც შესაძლებელია სადაც ცხოვრობთ. თუ გსურთ მეტი კომფორტი და ფიქრობთ სახლის აშენებასა თუ განახლებაზე, teamtwo-ს საინჟინრო ჯგუფი მზად არის დაგეხმაროთ გადაწყვეტილების მიღებასა და განხორციელებაში.