ბრენდირებული სასტუმროები და მათი უპირატესობები

საქართველოს ბაზრისთვის სიახლე არ არის ისეთი საერთაშორისო ბრენდირებული სასტუმოები როგორიცაა Hilton, Marriott, Sheraton, Radisson და სხვა. თავის მხრივ, ბრენდირებული სასტუმროებიც აფართოებენ წარმომადგენლობით არეალს და ქვეყნის სხვადასხვა რეგიონში მასპინძლობენ ქართველ და უცხოელ ტურისტებს.

თუმცა, ბევრი დეველოპერისთვის ჯერ კიდევ უცნობია რა პრინციპით თანამშრომლობს ბრენდი ინვესტორთან და რა უპირატესობა აქვს ბრენდირებულ სასტუმროს.

ფრენჩიზა და ბრენდი

• ყოველი ბრენდი ეკუთვნის ფრენჩიზას, რომელიც დეველოპერს სასტუმროს პროექტირების და ოპერირების სტანდარტებს კარნახობს.
• ფრენჩიზა არის წარმომდგენლობითი სისტემა რომელიც მისი ბრენდით დაინტერესებულ პირს (დეველოპერს) უზიარებს საკუთარი ბრენდის ბიზნეს გეგმას და სტანდარტებს. ხოლო დაინტერესებული პირი ფრენჩიზას უხდის გადასახადს იმისათვის რომ გამოიყენოს ბრენდის სახელი და მიიღოს მხარდაჭერა სასტუმროს პროექტირებასა და ოპერირებაში.

იხილეთ ცნობილი საერთაშორისო ბრენდები და მათი ფრენჩიზები.

ბრენდირებული სასტუმროს უპირატესობა

• ბრენდირებული სასტუმროს მთავარი უპირატესობა მისი სტაბილური მომხმარებელია. დამსვენებელმა იცის რა დახვება ასეთ სასტუმროში და ამიტომ თავისუფლად ირჩევს მისთვის ნაცნობ ბრენდს, მაშინაც კი როცა სასტუმრო ახალი გახსნილია.
• თითოეულ ბრენდს აქვს პროტოტიპი, რომელიც განსაზღვრავს სასტუმროს პროექტირებისთვის საჭირო ისეთ სტანდარტებს და რეგულაციებს როგორიცაა:
  • ნომრების სავარაუდო რაოდენობა და გაბარიტები.
  • საზოგადოებრივი და მომსახურების სივრცეების განლაგება.
  • შენობის ვიზუალი, როგორც ინტერიერში ასევე ექსტერიერზე.

პროტოტიპში ხშირად მოცემულია კონკრეტული დეტალის რამდენიმე ვარიანტი – მაგალითად ფასადის მოსაპირკეთებელი მასალის ან სასტუმრო ოთახის სხვადასხვა ფერი.

აქვე აღსანიშნავია, რომ პროტოტიპი არ ზღუდავს სასტუმროსთვის არსებული შენობის გამოყენების შესაძლებლობას. არსებული თუნდაც ისტორიული შენობის ადაპტირება და მასში ბრენდირებული სასტუმროს განთავსება საკმაოდ გავრცელებული პრაქტიკაა.

მარიამ აბაშიძე
არქიტექტორი