შენობის ტიპისა და სამშენებოლო მასალაზე დაყრდნობით, კონსტრუქტორები ამუშავებენ რიგელებისა და სვეტების სისტემას, რაც უზრუნველყოფს აუზის უსაფრთხო ფუნქციონირებას. მაგალითად, რკინა-ბეტონის შემთხვევაში, ბეტონის ფილა ანაწილებს წყლის არსებულ სიმძიმეს და აღძრულ დატვირთვებს გადასცემს ძირითად რიგელებს. ამის შემდეგ, დატვირთვა გადაეცემა სვეტებს და საბოლოო ჯამში საძირკვლების მეშვეობით გრუნტს. ასევე, აუცილებლად გასათვალისწინებელია აუზის დამატებითი დატვირთვაც, რომელიც ადამიანების რაოდენობით განისაზღვრება.

საჭიროა, ისეთი კონსტრუქციული მანიპულაციების ჩატარება, რომლებიც კონსტრუქტორებს დაეხმარებათ, სხვადასხვა ბუნებრივი მოვლენების შემთხვევაში, განსაზღვრონ თუ რამდენად უსაფრთხოდ იფუნქციონირებს სახურავზე განთავსებული საცურაო აუზი.

განხილული მაგალითი, შეიძლება ჩაითვალოს ყველაზე მარტივ და ეკონომიურ გადაწყვეტად, შედარებით რთული, მაგრამ განსხვავებული გამოდის ე.წ „კონსოლური აუზი“, რომლის ერთი ნაწილიც, ჰაერში ყველანაირი გამაგრების გარეშეა გადმოწეული. ორივე ტიპის საცურაო აუზი, განსაკუთრებულად დიდი პოპულარობით სარგებლობს დამსვენებლებში.

ჩვენი გუნდი, მზადაა გაგიწიოთ კონსულტაცია და დაგეხმაროთ სასურველი პროექტის დაგეგმვასა და განხორციელებაში.

ირაკლი გოგოხია
ბიზნესის განვითარების მენეჯერი